Өнөөдөр эхэлсэн шүүх хурал завсарлаж, долоо хоногоор хойшлох болсноо мэдэгдлээ. Яагаад шүүх хурал хойшилсныг тодорхой тайлбарласангүй гэж хоригдож буй эмэгтэйн нөхөр С. Бямбасүрэн хэллээ. Тэрбээр, "Миний эхнэрийг хилсээр хорьсон. Нялх нойтон хүүхэдтэй бидний амьдрал хүнд байна. Хэрэг хийгээгүй хүнд ял тохохгүй, үнэн мөнийг нь олох байх гэж шүүгчдэд найдах юм. Хэрвээ хилс хэргээр ял тохвол тэмцлээ үргэлжлүүлэх болно. Өнөөдрийн шүүх хуралд ар гэрийнхнийг нь оруулаагүй хэрнээ, хэвлэлийнхнийг оруулсанд гайхаж байна. Хуралд Зоригийн бэлэвсэн эхнэр Булган, түүний дүү С.Оюун нарыг дуудаагүй нь, тэд нар хуралд ирээгүйд бас гайхаж сууна" гэж сэжигтэнээр хоригдож буй Т.Чимгээгийн нөхөр С.Бямбасүрэн сэтгүүлчдийн асуултанд хариуллаа.
О.НАНСАЛМАА