Эцэг эхчүүд өглөө бүр хүүхдээ цэцэрлэгт оруулж өгөхдөө гялгар улавч авч өмсдөг. Энэ нэг удаагийн 12 минутын хэрэглээ маань хөрсөнд 100-500 жил “хэвтэж” ялзрахдаа химийн хорт бодис ялгаруулан, хөрс, ус, агаар бохирдуулж, амьтан, ургамлыг үхүүлдэг байна. Тиймээс энэ төрлийн хэрэглээгээ хязгаарлаж чадвал төрөл бүрийн хавдраас урьдчилан сэргийлээд зогсохгүй маш их мөнгө хэмнэх боломжтой юм.
Манай улсад 225 мянга гаруй хүүхэд цэцэрлэгт хүмүүжиж байна. Өдөрт 100 төгрөгөөр улавч авдаг гэж үзвэл 225000 х 100 = 22.500000 өдөрт, 9 сарын туршид 9 х 22 ажлын хоног = 198 x 225000=4455000000 төгрөг зарцуулж байна.
Дэлхий нийт гялгар уут хэрэглэхээс татгалзаж даавуун уут торыг ашиглаж хэвшжээ. манайд хууль, эрх зүйн орчин нь бүрдсэн ч хэрэгжихгүй байна. Тиймээс сар бүрийн 11-нийг Гялгар уутнаас татгалзах өдөр болгох хөдөлгөөнийг “Технож” төв Канад сангийн дэмжлэгээр хэрэгжүүлж эхэллээ. Эхний ээлжинд СХД, ХУД, Дундговь аймгийн 30, сонсголын бэрхшээлтэй 20 иргэнийг сургаж, тоног төхөөрөмж, үйлдвэрийн байраар ханган, даавуун тор, улавч үйлдвэрлэж эхэлжээ.
Д.БУЯНЖАРГАЛ
