.JPG)
Барилгын салбар хэт өндөр ашиг өгч байсан тул толгойтой бүхэн нь барилга руу хошуурсан. Банкны салбарын гол ашгийг ч барилгын салбар тодорхойлж байсан гэж санхүүгийн мэргэжилтнүүд хэлдэг.
Хууль эрх зүйг ч энэ чиглэл рүү хандуулж, ипотекийн зээл гэгчийг гаргаж ирсэн. Сүүлдээ төр хүртэл ТОСК буюу төрийн оролцоо бүхий Төрийн Орон Сууцны Корпораци гэдгийг байгуулж, барилгын салбарт хувийн хэвшилтэй өрсөлдөөнд орсон. ТОСК төрийн дэмжлэг авч ажилласан ч, мөн л алдагдалтай ажилласан гэх тооцоог мэргэжилтнүүд гаргажээ.
Барилгын салбарын авсан зээл, чанаргүй зээлийн хэмжээ нь хэтэрч, банкны салбараа ч татаж унагахад хүрсэн гэдгийг эдийн засагчид хэлж байна. Ард иргэд ч, ажлаа алдсан, ажил эрхэлсэн ч орлого хумигдсан тул Ипотекийн зээлийн хүүгээ төлөх асуудал хүндэрч байгаа нь төрийн оролцоог шаардаж эхэлжээ. Эхний удаад, барилгын салбарын хөгжлийг эрүүлжүүлэх үүднээс, төр хувийн хэвшилтэй өрсөллдөг буруу жишгийг халах болсноо Барилга Хот Байгуулалтын сайд Г.Мөнхбаяр олон нийтэд дуулгалаа.
ТОСК бол оршин тогтноно, гэхдээ барилга барихгүй, харин барилга түрээслэх ажлыг хариуцах болохыг Г.Мөнхбаяр тодотголоо.
Д.АРИУНБААТАР
