.JPG)
Бид эрчим хүчээ гаднаас авдаг. Шөнийн эрчим хүчээ мөнгийг нь төлсөн хэрнээ бүрэн дүүрэн ашиглаж чадахгүй буцаагаад алддаг. Нэгдүгээрт, мөнгө төлсөн, хоёрдугаарт, бүрэн ашиглаж чаддаггүй гэсэн тооцоо нь, давхар алдагдалтай ажиллаж байна гэсэн дүгнэлт юм. Тэгвэл, энэ сул, алдагдаж буй эрчим хүчийг шөнийн цагаар тэглэх шийдвэр гаргасан нь туйлын эх оронч шийдвэр гэж хэлж болох нь. Энэ шийдвэрийг зөвхөн утаанаас салах биш, утааг багасгах, бууруулах төдийгээр хязгаарлан ойлгож болохгүй. Энэ бол ард иргэдийн хөрөнгийг хэмнэх, нэмэгдэл зардлыг нь бууруулах, улмаар үйлдвэрлэлийг дэмжих, үнэ өртгийг нь тогтвортой барих бодлого юм.
Мөн ард иргэдээ дулаан, тухтай орчинд амьдруулах, тэгснээрээ эрүүл мэндийг нь хамгаалах, өөрөөр хэлбэл даарч хөрснөөс улбаалж үүдэх өвчин эмгэгээс үүсэх зардал, тэрчилэн эмнэлгийн ачааллыг хэвийн нөхцөлд хадгалах гээд олон талын ач холбогдол бүхий шийдвэрийг зоригтой гаргалаа. Энэ бол туйлын эх оронч шийдвэр юм.
Өмнө нь яагаад, үе үеийн Засгийн тэргүүнүүд ийм шийдвэрийг гаргаж болоогүй юм бол оо, гэж бодогдоно. Нэг зөв шийдвэр ямар үр дагавартай болохыг Ж.Эрдэнэбат ерөнхий сайдын шөнийн цахилгааныг тэглэх шийдвэр харууллаа.
С.БЭЛЭГМАА
