.JPG)
Санал асуулга эхлэхэд, АН-ын дарга асан Н.Алтанхуягийн рейтинг 50%-д хүрч, дангаараа санал асуулгыг ээлжгүй тэргүүлж байсан цаг саяхан. Намынхаа Их Хуралд тэмцэгчийн байр сууринаас оролцож, ерөнхийлөгч Ц.Элбэгдоржтой эвлэрэхгүй гэдгээ илэрхийлсэн үгээ хэлсэн нь олны анхааралд өртсөн. Тиймээс түүнийг дэмжсэн, нөгөө талаар АТГ-д дуудагдах болсон тул түүнийг өрөвдсөн. Энэ хоёр үзүүлэлт нөлөөлснөөс түүний рейтинг бусдаас тасархай дээгүүр байсан гэж шинжээчид дүгнэж байна. Тэгвэл, 7 хоногийн өмнөөс түүний рейтинг С.Эрдэнийнхтэй хамтдаа эрчтэй доошилсон. Одоо тэрбээр 15,6% хувьтай. Түүний ард 15,4%-тай Лу.Гантөмөр, 12,4%-тай Ж.Батзандан нар оржээ. Харин АН-ын генсек асан Д.Эрдэнэбатын рейтинг өсөж 16,5%-д хүрчээ. Долоо хоногийн өмнө рейтинг нь эрс унасан С.Эрдэнийн рейтинг харин сүүлийн өдрүүдэд огцом өсөж 40,6%-иар санал асуулгыг тэргүүлэх болжээ. Судалгааг эхэлж байхад, АН-ын даргын сунгаа хоёр Эрдэнэ буюу, АН-ын даргын үүрэг гүйцэтгэгч Д.Эрдэнэбат, УИХ дахь АН-ын бүлгийн дарга С.Эрдэнийн хооронд өрнөнө гэсэн таамаглалыг улс төрчид дэвшүүлж байсан нь үнэнд ойртжээ. Санал асуулгыг С.Эрдэнэ, Д.Эрдэнэбат нар хошуучилж эхэллээ. Санал асуулга үргэлжилж байна.
Ц.ХИШГЭЭ
