Нийслэлийн хэмжээнд цэргийн үүрэгтэн бэлтгэл офицеруудыг энэ сарын 4-өөс эхлэн бүртгэж эхэллээ. Энэ жил цэргийн албаны тухай хууль, Цэргийн албан хаагчийн эрх зүйн тухай хуулиуд батлагдсан. Энэхүү шинэ хуулиар 2017 оны цэргийн бүртгэлийг явуулж байгаа бөгөөд бүртгэлийг энэ сарын 20 хүртэл зохион байгуулах юм. Монгол улсын 18-50 насны эрэгтэйчүүд цэргийн алба хаасан, хаагаагүй, өөрийн оршин сууж буй хороондоо очиж бүртгүүлнэ. Мөн бэлтгэл офицерууд 60 нас хүртлээ цэргийн бүртгэлд бүртгүүлнэ.
Цэргийн бүртгэлийг хороодын Засаг даргын ажлын байранд ажлын өдрүүдэд өглөө 08,30 цагаас 19,00 цагт амралтын өдрүүдэд 10,00-18,00 цагийн хооронд зохион байгуулна.
Эх сурвалж : БАТЛАН ХАМГААЛАХ ЯАМ
