“Централ Таэур”-ын 15 давхарт гадаадын иргэн тэсрэх бөмбөг байрлуулсан гэж мэдэгдсэн. Сэжигтэн этгээд АНУ-ын иргэн бөгөөд 51 настай "М" гэгч аж. Тэрээр "Консултай нь уулзах гэсэн боловч оруулаагүй тул тэсрэх бөмбөг тавьж дэлбэлнэ" хэмээн заналхийлсэн байна.
Хэргийг Сүхбаатар дүүргийн цагдаагийн нэгдүгээр хэлтсийн албан хаагчид холбогдох албаны хүмүүстэй үзлэг явуулсан бөгөөд тэсрэх бөмбөг олдоогүй буюу уг мэдээлэл худал мэдээлэл байжээ. Мэдээллийг өгсөн гэх 51 настай АНУ-ын иргэнийг ТЕГ-т шалгаж эхэлжээ.
Ц.ХИШГЭЭ