Монголын Үндэсний Аюулгүй Байдлын зөвлөл хуралдаж, утааг гамшгийн байдалд хүрсэн гэдгийг эцэслэн зөвшөөрлөө.
Өнгөрсөн 10 гаруй жил, 3 парламент, түүний засгийн үед утаатай тэмцсэн олон ажил цаасан дээр үлдэж, хөрөнгө мөнгө нь зарагдаж дуусчээ. Гэвч утаа багассангүй, харин ч гамшгийн байдалд хүрснийг нэгэнтээ зөвшөөрлөө. Гэр хорооллын хэрэглэгчдийн шөнийн тарифыг тэглэсэн нь зоригтой алхам болсон ч, иргэд бас бэлэн биш байгааг гүйцэд тооцож чадаагүй сул тал ажиглагдсан байна. Тэгэхээр нүүрс түлэхийг нь шөнөдөө зогсоож, цахилгаан хэрэглээг нь нэмэгдүүлэх боломжоор иргэдээ дэмжих бас нэгэн асуудал нэмэгдлээ. Уул нь нүүрс түлэхээ шөнөдөө хязгаарлавал, утааг 30-40 хувиар буулгах бодит тооцоо бий ажээ. Бий болгосон таатай нөхцөлийг ашиглах эдийн засгийн нөхцөл гэр хорооллынхонд 100% алга гэж мэргэжлийнхэн дүгнэлээ. Гэвч энэ жилийн зөв санаачилга хамгийн зөв, бодитой шийдвэр байсан гэдгийг амьдрал өөрөө харуулна.
Ц.ХИШГЭЭ
