УИХ-ын Төрийн байгуулалтын байнгын хорооны өнөөдрийн хуралдаанаар Сонгуулийн Ерөнхий хорооны гишүүнийг чөлөөлж, томилох тухай асуудлыг хэлэлцэж шийдвэрлэлээ.
СЕХ-ны гишүүн Д.Дэлгэрцогт нь үүрэгт ажлаас чөлөөлж өгөх хүсэлт гаргасан байна. Тиймээс түүний хүсэлтийг ийнхүү хэлэлцэж дэмжлээ. Мөн түүний оронд Ө.Энхтөрийг СЕХ-ны гишүүнд томилох асуудлыг хэлэлцэж дэмжлээ.
Байнгын хороо Сонгуулийн ерөнхий хорооны гишүүн Д.Дэлгэрцогтыг чөлөөлж Цагдаагийн ерөнхий газрын дарга Ө.Энхтөрийг түүний оронд томилохыг дэмжлээ.
Энэхүү асуудлыг чуулганы нэгдсэн хуралдаанд оруулж, эцсийн шийдвэр тэндээс гарна. Одоо тус байнгын хорооны хуралдаанаар Ерөнхийлөгчийн сонгуулийн тухай хуулийн төслөөр зарчмын зөрүүтэй саналыг хураалгаж эхлэд байна.
А.ЦЭРЭНДУЛАМ
