Баянзүрх дүүргийн 10 дугаар хорооны нутагт булгийн ус халиа үүсгэснээс зарим айл усанд автаж, нөхцөл байдал хүндэрчээ. Энэ орчимд зөвшөөрөлгүйгээр шороо асган айлууд буусан байдаг. Үүнээс үүдэн булгийн ус халин тухайн хэсгийн айлууд усанд автаж гамшгийн төвшинд хүрээд байгаа юм. Тухайн хэсэгт дүүргийн Засаг даргын зөвшөөрөлтэй 45 айл, зөвшөөрөлгүй 30 гаруй айл буусан байгаа юм. Өнгөрсөн жилүүдэд тухайн айлуудад яаралтай нүүж булгийн эх, ногоон байгууламжийн газрыг чөлөөлөх шаардлага хүргүүлж байсан ч огт биелүүлдэггүйгээс ийм байдал үүсчээ.
Тэгвэл нийслэлийн удирдлагууд биечлэн танилцаж Онцгой комиссын хамтарсан хуралдаан хийн, яаралтай нүүлгэн шилжүүлэх арга хэмжээг авч ажиллахаар болжээ.
Ц.ХИШГЭЭ
