Дуучин бүсгүй тоглолтондоо зориулж 20кг жин хассан тухайгаа өөрийн цахим хуудсандаа нийтэлсэн нь сүүлийн үед сошиал сүлжээнд шуугиан тариад байгаа. Тодруулбал нийтийн дууны урлагийн цөөн тооны гэр бүлийн хос уран бүтээлчдийн нэг болох дуучин Э.Ууганбаяр, Э.Түвшинсайхан нар "Хайрын бэлэг" нэртэй анхны бие даасан тоглолтоо хийхээр төлөвлөж бэлтгэлдээ оржээ. Бэлтгэлийн явцад дуучин бүсгүй 20 кг жин хасаж чадсан бөгөөд тун удахгүй болох тоглолтынхоо тайзнаа үзэгчтэйгээ итгэл дүүрэн учран золгох нь.
Энэ дашрамд дуулгахад тэдний "Хайрын бэлэг", "Атгасан шагай" "Ханийн тэнгэр", "Амьдрал сайхан" зэрэг уран бүтээлүүд нь хэдийнэ түмэн олны сонсох дуртай дуунууд болжээ.
