Цагдаагийн байгууллагын ажилтнууд нууцаар ажиллаж байсан мөрийтэй тоглоомын газруудыг илрүүлжээ. Тус тоглоомын газрууд нь зөвшөөрөлгүй үйл ажиллагаа явуулж байсан нь тогтоогдсон бөгөөд дийлэнх нь автомат тоглоомоор үйлчилдэг байжээ. Тухайлбал : БГД-ийн 1-р хороонд байрлах тус тоглоомын газрыг СБД-13 хороонд суух иргэн “Э” ажиллуулж байсан бөгөөд иргэдийг мөрийтэй тоглуулж байсан нь тогтоогджээ. хэргийг БГДЦХ-1 шалгаж байна.
БЗД-ийн 6-р хороонд байрны өргөтгөлд “автомат тоглоомын газарт мөрийтэй тоглоом тоглуулж байна” гэсэн мэдээллийг дагуу шалгахад тус байранд СХД-20 хороонд суух “Б” нь мөрийтэй тоглоомын газар ажиллуулж байсан хэргийг БЗДЦХ-2 шалгаж байна.
Энэ мэтээр хүмүүс мөрийтэй тоглоомд донтон, эд хөрөнгөө алдаж байгаа учраас цагдаагийн байгууллага анхааруулан сэрэмжлүүлж байна. МУ-ын Эрүүгийн хуулийн 243 дугаар зүйлд заасан “Хуулиар хориглосон мөрийтэй тоглоом тоглосон, түүнийг зохион байгуулсан” гэсэн үндэслэлээр дээрх иргэдийг сэжигтнээр тооцон шалгаж байгаа ажээ.
Ц.ХИШГЭЭ
