Баянгол дүүргийн 2-р хороонд 12 цагаас хойш нас барсан гэх таван дуудлага иржээ. Урьдчилсан байдлаар эдгээр хүмүүс бөөндөө нэг зүйлээс хордсон байж болзошгүй. Нотлох баримтаар хураасан эд зүйлийг хортой үгүйг шинжлүүлэхээр ажиллаж байна гэж Улаанбаатар хотын цагдаагийн газрын дарга, туслах комиссар Ж.Эрдэнэболд хэллээ.
Үүсэн нөхцөл байдалтай холбоотойгоор НМХГ-аас 247 улсын байцаагч ажиллаж Өнөөдөр шинжилгээний хариу гарна. Тиймээс иргэд хаана үйлдвэрлэсэн нь тодорхойгүй архи согтууруулах ундаа хэрэглэхгүй байхыг Нийслэлийн мэргэжлийн хяналтын газрын дарга Л.Эрдэнэчулуун сэрэмжлүүлж байна.
Эх сурвалжуудын хэлж байгаагаар нас барсан иргэд орцны жижүүр байжээ. Шинжилгээний хариу гартал тодорхой мэдээлэл хэвлэлийнхэнд өгөхгүй гэлээ.
Ц.ХИШГЭЭ