Эдийн засгийн хөгжлийн хурдаараа АНУ-ын ард ойрхон ирсэн, ойрын жилүүдэд АНУ-ыг ч гүйцэж түрүүлэх Хятад улс дэлхийн хөгжилд нөлөөлөх гүрэн болсон гэдгийг хүлээн зөвшөөрсөн форум болж байна. Тиймээс ч анх удаа Дэлхийн эдийн засгийн форумд оролцсон Хятадын дарга СиЖин Пинд уг форумыг нээж үг хэлэх эрхийг олголоо.
Тэрбээр, made in China гэдэг үг Build by China гэдэг үгээр солигдсоныг баталсан үг хэллээ. Дэлхийн эдийн засгийн хөгжил, улс орнуудын ирээдүйн хөгжил, Хятад улсын бодлого, Хятад улсын оролцоотойгоор хөгжинө гэдгийг тэр ойлгомжтойгоор илэрхийллээ.
Хятадын дарга Швейцарьт айлчлах хугацаандаа ОУОХ-ны даргатай уулзаж, 2022 онд Хятад улсад зохиох Өвлийн олимпын асуудлыг хэлэлцлээ. Мөн Швейцарь улсын удирдлагуудтай уулзаж, хамтын ажиллагаа, худалдаа, аялал жуулчлалыг хөгжүүлэх асуудлыг хэлэлцэн тохиролцсон байна.
Ц.ХИШГЭЭ