Энэ сарын 16-нд 18 настай охиныг гэртээ харих гээд ганцаараа явж байхад нь үл таних этгээд зодож, хүчирхийлэн тоосгоор толгойн тус газарт нь цохиж хүнд гэмтэл учируулсан байна. Хохирогч эмэгтэйн биеийн байдал тааруу байгаа юм байна. Эмч нарын хэлж байгаагаар онц хүнд гэмт хэрэгтэй тэмцэх хэлтэс Өмнөговь аймгийн цагдаагийн хэлтэстэй хамтран ажиллаж 19 настай залууг хэрэг үйлдсэн болохыг илрүүлсэн байна. Гэмт этгээд уурын зууханд галчаар ажилладаг байна. Ажил дээрээ хонох үедээ гудамжаар ганцаараа явж байсан охидыг зодох,эд зүйлийг нь дээрэмдэж байсан гэдгээ мэдүүлжээ. Хэргийг үргэлжлүүлэн шалгаж байна.
Иймээс эцэг эхчүүд оройн цагаар хүүхдүүдээ ганцааранг нь явуулахгүй байхыг цагдаагийн газраас анхааруулж байна. Өвлийн цагт эрт харанхуй болдог болохоор эртхэн ажлаа амжуулан гэртээ хариж байх хэрэгтэй билээ.
А.ЦЭРЭНДУЛАМ
