“Эрдэнэт”-ийн 49 хувийн худалдан авалтад хийсэн шалгалтын дүнгийн талаар ажлын хэсгийн ахлагч Ш.Раднаасэд, болон УИХ-ын дэд дарга Ц.Нямдорж нар байр сууриа илэрхийллээ.
Ш.Раднаасэд : Ажлын хэсэг үзэхдээ “Эрдэнэт”-ийн 49 хувийг худалдахдаа хүчин төгөлдөр байсан хууль тогтоомжийн хүрээнд үйл ажиллагаа явагдаагүй талаар мөн Үндсэн хуулиас эхлээд Олон улсын гэрээ, Төрийн өмчийн тухай, Компанийн тухай хууль болон УИХ-ын тогтоолыг зөрчсөн гэж дүгнэж байна. УИХ дангаар шийдвэрлэх асуудлыг Засгийн газар эрх мэдлээ хэтрүүлж шийдсэн. Түүнчлэн УИХ, Засгийн газрын эрхэнд халдаж хууль зөрчсөн байгааг тогтоож байгаа” гэв.
УИХ-ын дэд дарга Ц.Нямдорж : “Нэр бүхий компаниуд маш асуудалтай. Хөрөнгийн эх үүсвэр бүрдүүлсэн процессыг үзвэл Худалдаа хөгжлийн банкны гол хувьцаа эзэмшигчид болох Ц.Пүрэвтүвшин, н.Хүрэлбаатар нар, тэдний байгуулсан компаниуд 62-70 сая ам.долларыг зээлээд “Голд” гэдэг компани руу оруулсан байгааг дурдаад. ”Голд” гэдэг компани нь анх “Жунери” нэрээр байгуулагдсан. 2014, 2015 онуудад нэрээ өөрчилсөн. Нэг гишүүнтэй ийм л компани. Гэрээ хэлцэл хийсэн байдлыг харвал бас л асуудалтай гэдгийг хэллээ.
Ц.ХИШГЭЭ