Тэнд нэг мөнгөтэй хүн шийдвэр гаргадаг. Түүнийг нь төрийн сайд биелүүлдэг. Сайдаас давсан нөхцөлд Засгийн газар шийдвэр гаргадаг. Засгийн газрыг давсан тохиолдолд УИХ-аар оруулж ирээд будилуулж байгаад хүссэн шийдвэрээ гаргуулдаг нэг ийм муухай ёс Монголд тогтлоо.
Эрдэнэтийн 49%-иас үүнийг ажиглаж болох нь. Монголын газар доорх бүх баялгийг нэг хүн залгих нь. Эрдэнэт болон Монголросцветметаль компанийн 49 хувьтай хамт Монголын газар доорхи баялаг тэр чигтээ нэг хүний мэдэлд шилжих процесс өрнөсөн. Стратегийн ач холбогдолтой, маш том, өнгөт металлуудын олон арван ордын лиценз тэр 49 хувийг дагаж буй. Дээр нь энэ бүлэглэл зөвхөн Эрдэнэт, Монголросцветметаль компаниар зогсохгүй, Дарханы Төмөрлөгийн үйлдвэр, Хөтөлийн цементийн үйлдвэрийг ч гартаа оруулсан. Хадгаламж эзэмшигчдийн байршуулсан мөнгийг банкны хууль зөрчин, төрийн өмчит, стратегийн чухал өч холбогдол бүхий компаниудыг худалдан авах, түүгээрээ дамжуулан Монголын төрд хяналт тавьж эхэллээ. Төрийг барьцаалж байна хэмээн нэг хэсэг дуугаа хураасан Ц.Нямдорж тодотголоо.
Ц.ХИШГЭЭ
