.JPG)
АН-ыг ялагдуулахад, МАН-ыг ялалтад хүргэсэн нэг гол хөзөр бол Эрдэнэт үйлдвэрийн 49%-ийг хувьд шилжүүлсэн гэсэн мэдээлэл байсан. Мэдээллийг хичнээн нууцалж байсан ч нэгэнт илэрсэн учраас Сайханбилэг ерөнхий сайд мэдээлэл хийхээс өөр арга байгаагүй. Эрдэнэтийн асуудлыг Сайханбилэг ч дангаараа хариуцаж чадахгүй. Тиймээс энэхүү хувьчлалын ард ерөнхийлөгч Ц.Элбэгдорж байгаа гэдэг хардлага нийгэмд түгсэн. Ард түмнээсээ асууж байж шийддэг ерөнхийлөгч байх болно гэж ерөнхийлөгчөөр сонгогдохдоо ард түмэндээ хандаж хэлж байсан Ц.Элбэгдорж " Энэ бол зөв" гэхээс өөр үг хэлж чадаагүй. Дээр нь төр бол муу менежер гэж тэд хэлэх дуртай. Тэр үгээ л давтсан. Эрдэнэтээс болж Нямдоржтой " нэгийгээ үзэж, нэхий дээлээ тайлахдаа" хүрснийг санаж байна. Тэгвэл энэ удаа тэр дуугүй боллоо. Жиргэсэн ч үгүй.
Харин УИХ-ын дарга М.Энхболд ,- 49 хувийг төр буцааж авах нь зүйтэй гэж бодож байна. Тэгэхдээ өмнө нь худалдан авсан хувь, хүмүүс компанийн өмч болсон өмчийг нь нийгэмчилж болохгүй. Хохиролгүй болгох ёстой гэсэн байр суурийг илэрхийллээ. Ямар ч гэсэн, ажлын хэсгийн хатуу дүгнэлт, УИХ-ын ХЗБХ-ны гаргасан эрс тэс шийдвэрийн дэргэд, М.Энхболд маш зөөлөн дуугарлаа. Тэр ХХБ-ны Эрдэнэбилэгийн толгойг нь илэхгүй ч, бас бөгс рүү алгадахыг хүсэхгүй байна.
Ц.ЭНХБАТ
