Нам УИХ болон нийслэл, орон нутгийн сонгуульд ялагдах нь зарим бүлэглэлийн хувьд тийм ч амин чухал асуудал биш аж. Харин намын дарга хэн байх нь, даргаар нь дамжуулж намыг нь атгаж байх нь нам дамнасан, улс төр, эдийн засгийн олигархи бүлэглэлд үнэ цэнтэй аж. Тиймээс олигархи бүлэглэл намын даргын сунгаанд дээд зэргийн ач холбогдол өгч, хүн хүчээ дайчилж, хөрөнгөө цутгаж, сүүлчийн мөч хүртэл сайн, муу бүхнийг хослуулсан.
APU-гийн Г.Батхүү, Голомт ч гэдэг, Бодь-ийн Лу.Болд, тэдний байгуулсан МоАН, Ц.Элбэгдорж ерөнхийлөгчийн дэмждэг Тэмүүжин, Батчимэг, Оюунгэрэл нар багтдаг.
Нэг ардчилал фракц, мөн Оюутолгой, Таван толгойг харийнханд найр тавьсан, сая саяар ам.доллараа мартдаг оффшорчин С.Баярцогт, Ч.Сайханбилэг нар нэр дэвшигч Лу.Гантөмөрийг дэмжсэн. Тэд хөрөнгө мөнгөөр сагаж байсан. Гантөмөрийг урьд урьдын дарга нарын адил дуулгавартай, утсан хүүхэлдэй болгохын тулд л тэд ингэж хөрөнгөө цацсан. Дээр нь нам дамнасан бүлэглэл нь ч хүч хавсарсан.
МАН-ын зарим удирдлагын зүгээс ч Гантөмөрийг дэмжиж байсныг орон нутагт үгүйсгэдэггүй. Тэд бүхий л аргыг хэрэглэсэн. Нэр дэвшигч Гантөмөр нь сунгаанд ялагдаж буйг мэдрэхдээ, гол өрсөлдөгч С.Эрдэнийн нэр төрд халдах, гутаан доромжлох, цаашлаад мөнгө тараасан гэх бичлэгийг зохиомлоор үйлдэн сошиалаар тарааж амжсаныг С.Эрдэнийн баг илчилсэн. Одоо тэдэнд мөнгө тараасан гэх бичлэгээ бариад сонгуулийн хороонд гомдол гаргаж, С.Эрдэнийн нэрийг татуулна гэхээс өөр башир арга үлдсэнгүй. Тэд намаа алдвал бүхнийг алдана. Тиймээс НАМАА жирийн гишүүддээ АЛДАХААС АЙЖ байна. Эрх мэдлээ алдахыг ХҮСЭХГҮЙ байна.
Намын даргын сунгаанд С.Эрдэнийг ялсанд, Алтангадас буюу, гишүүдийнх нь нэрлэдгээр "АЛТАНГУДАС"-ынхан дургүйцэж байна. Өнгөрсөн 25 жилийн хугацаанд Ардчилал, АН-ын нэрийг барьж ХЭН эрх мэдэл, албан тушаалын оргил, гавьяа шагналын дээд, эрх ямбыг эдэлж, хөрөнгөжсөн бэ? гэдгийг жирийн гишүүд нь мэднэ. Энэ бүлэг бол алтан дээр тарвалздаг "Алтангудас "-ынхан юм. Тэд АН-ыг шинэчлэх бий гэхээс болгоомжилж байна.
Трамп 1988 онд АНУ-ын эрх баригчид АНУ-ын баялгийг ард түмнийх нь нүдэн дээр дээрэмдэн цөлмөж байна гэж хэлж байсан. Тэд өөрчлөлт хийхийн тулд, жирийн дарлагдсан, орхигдсон америк иргэдийн эрх ашгийг өмгөөлөн хамгаалахаар Цагаан Ордны цайзыг сэт цохиж ялалт байгуулсан. Тэгвэл С.Эрдэнэ АН-д хүлээгдэж буй өөрчлөлт шинэчлэлтийг хийхээр Намын даргын сунгаанд үнэмлэхүй ялалт байгууллаа. Тэр бол Монголын Трамп юм.
Аналист Ц.ЭНХБАТ