Улс орын эдийн засаг хүнд байгаатай тул Монгол Улсын гавьяат эдийн засагч Б.Осоргарав хандивын хөдөлгөөнд уриалж байгаагаа өчигдөр мэдэгдсэн. Энэхүү хөдөлгөөнийг УИХ-ын гишүүн Б.Дэлгэрсайхан, Н.Оюундарь нар дэмжиж байгаагаа илэрхийлж Төрийн ордонд өнөөдөр мэдээлэл хийлээ.
Б.Дэлгэрсайхан : “Улс орны эдийн засаг хүнд байгаатай тул УИХ-ын гишүүдээ уриалж байна. Энэ хөдөлгөөнд нэгдэж 100 сая төгрөг хандивлаж байна. Бусад хүмүүс ч энэ хөдөлгөөн нэгдэж оролцохыг уриалж байгааг минь зөвөөр ойлгоорой” гэжээ.
Харин Н.Оюундарь : Манай хэсэг бүлэг гишүүд ярьж байгаад энэ уриалгыг дэмжих нь зүйтэй гэж шийдсэн. Тиймээс бид энэ хөдөлгөөнд оролцохоор шийдлээ. Харин хувийн зүгээс гэр бүлийнхэнтэйгээ зөвлөж байгаад хэдэн төгрөг хандивлахаа шийднэ гэдгээ тус тус мэдэгдлээ.
Ц.ХИШГЭЭ