(3)(1).jpg)
Та НӨАТ-ын буцаан олголт авах шаардлага хангасан бол яг одоо дансаа шалгаарай.
Нэмэгдсэн өртгийн албан татварийн төлөгчийн худалдан авалтад төлсөн нэмэгдсэн өртгийн албан татварын буцаан олголтын мөнгө иргэдийн дансанд орж эхэллээ.
Өнгөрсөн 2016 оны турш худалдан авсан нийт бараа бүтээгдэхүүний үнийн дүнгийн хоёр хувь буюу НӨАТ-ын 20 хувьтай дүйцэх хэмжээний мөнгийг бүртгүүлсэн дансанд нь орсон бөгөөд шинэчилсэн хуулийн үр дүнг иргэд өнөөдрөөс эхлэн бодитоор нь мэдэрч байна.
Татварын ерөнхий газар өнгөрсөн онд Улсын төсөвт 1 их наяд 565.4 тэрбум төгрөг оруулжээ. Үүний 35 хувь нь буюу 555.2 тэрбум төгрөг нь Нэмэгдсэн өртгийн албан татварын орлогоос бүрдсэн гэдгийг албан ёсоор мэдээлж байгаа билээ.
НӨАТ-ын шинэ хууль хэрэгжсэнээр иргэд буцаан олголт авахын зэрэгцээ сар бүр сугалаанд азаа үзэх боломж бүрдэж байгаа билээ. Өнгөрсөн 2016 онд 18 удаагийн сугалаанд 86 мянга гаруй иргэн оролцож, 3.5 тэрбум төгрөгийн хонжвор хожсон байна. “ebarimt.mn” цахим сайтад бүртгэлтэй 620 мянган иргэнд 34-35 тэрбум төгрөгийн буцаан олголт өгөх юм байна.
А.ЦЭРЭНДУЛАМ
