Энэ удаагийн парламент Эрүүгийн хуульд томоохон, дэвшилттэй өөрчлөлтийг хийхээр зэхэж байна. Энэ бол Монголыг иргэдийг шоронд хийсэн, шоронжуулсан эрүүгийн хуулийг шинэчлэн өөрчилж, ард иргэддээ хүнлэг хууль болгохоор Хууль Зүйн яам, түүний мэргэжилтнүүд ажиллаж байна. Хуулийн хатуу чанга, амьдралд нийцэхгүй заалтуудыг өөрчилж чадваас жилд 95000-100'000 иргэнийг шоронд хийхээс сэргийлж чадна гэж Хууль Зүйн дэд сайд Энхбаяр хуулийн өөрчлөлтийн давуу талаа тодотгож байна.
Эрүүгийн хуульд хэн ч анзаараагүй, ач холбогдол өгөөгүй, үр дагаврыг нь тооцоогүй олон заалт орсныг хасахыг нь хасаж, өөрчлөхийг нь өөрчлөх саналыг боловсруулжээ. Эмэгтэй хүн лүү "харц чулуудвал" 5 жилийн ял, халдварт өвчин тараавал ( хамуу, томуу, ханиад, тэмбүү, дох ) 5 жилийн ял эдэлнэ гэж байсан зэрэг зүйл ангийг эрүүгийн гэмт хэрэг гэсэн зүйл заалтаас хасах болсон байна. Эрүүгийн хуулийг баталсан гишүүд нь ч гэсэн, ямар хууль баталснаа одоо хүртэл ухаараагүй явснаа хуулийн шинэчлэлийн хэлэлцэх үед гайхацгаасныг хэвлэлийнхэн анзаарчээ.
Эрүүгийн хуулийг тууштай эсэргүүцэж байсан Элбэгдорж ерөнхийлөгч ч, энэ хуулийг шинэчлэн өөрчлөх, хүнлэг болгох нь зөв гэсэн байр суурийг баримталсан байна. Жич : Монголд тэргүүлдэг гэмт хэрэг :
Нэгд- хулгай, хоёрт - гэр бүлийн хүчирхийлэл, гуравт- авто осол, дөрөвт -танхай ордог байна.
Энэ дөрвөн төрөл бол Монголын гэмт хэргийн 95 хувийг эзэлдэг болохыг мэргэжлийн байгууллагууд судалгаагаар тогтоожээ.
Ц.ХИШГЭЭ
