Агаарын чанарыг сайжруулах бүсийг шинэчлэн тогтоох тушаал, зарчмын бичгийг та харж байна. “Нийслэлийн агаарын чанарыг сайжруулах бүсийг жил бүр шинэчилэн тогтооно” гэсэн заалтуудын дагуу агаарын чанарыг сайжруулах бүсийг шинэчлэн тогтоосон нь энэ. Маш товчхоноор ойлгоход энэ бол цахилгааны шөнийн хөнгөлөлтөд хамрагдах бүсийн хороод юм. Гэтэл СХД, БЗД, ЧД-ийн утаан дунд амьдардаг, утаагаа өөрсдөө үйлдвэрлэдэг хорооллуудтай зэрэгцээд Хан-Уул дүүргийн зургадугаар хороо буюу дээдсийн зиндааны эрхмүүдийн хаусууд оршдог Нүхт энэ хөнгөлөлтөд багтжээ. Ямар учраас тогны хүчдэл муутай, суурьшил шигүү, нялхас нь ханиад нуснаас салдаггүй захын хорооллуудтай зэрэгцээд тэр чигээр нь баячууд нүхэлчихсэн Нүхт хороолол энд багтах болов оо. Эрхэм хотын даргаа, та хариулт өгөөч.
Эх сурвалж : Amjilt.com
