Орос-Монголын хувь нийлүүлсэн Улаанбаатар Төмөр Зам ХНН шинэчлэлийн асуудлаа хэлэлцэж байна. Шинэчлэлтэд Дорнод, Өмнө-Говь аймагт төмөр зам барих тухай асуудал тусгагдсан байна. Энэ нь газрын доорхи баялагийг урд хөрш руу зөөж тээвэрлэхтэй холбоотой туссан байна гэж харж болохоор. Төмөр замын хөгжилд нийтдээ 17 их наяд төгрөг зарцуулна гэсэн төсөв гарчээ. Мөн дэд бүтцийн хувьд авто зам, авто тээврийн хөгжилд ихээхэн анхаарсан байна.
Төсөлд, нийслэл, 21 аймгийн төвийг холбосон авто замыг гүйцээн барих, түүнийгээ дагуулан аймаг, орон нутагт болон 150-200 км тутамд олон улсын стандартад нийцсэн авто тээврийн үйлчилгээний байгууламжийг барихаар ерөнхий төлөвлөгөөнд тусгажээ. Мөн нийтийн тээврийн парк шинэчлэлийг хийх юм байна. Авто тээвэр, дэд бүтэц, үйлчилгээний байгууламж барихад нийтдээ 650 тэрбум төгрөг зарцуулах тооцоо гарсан байна.
Ц.ХИШГЭЭ