Нүүр   /   НИЙТЛЭЛ

2017-02-26  

Ширээний теннисний Дээд Лигийн аварга шалгаруулах тэмцээний хагас шигшээ тоглолт маш өрсөлдөөнтэй өндөрлөв.

Аваргын төлөө тоглоно гэж хүлээж байсан Бласт багийг Мон-Лаа баг 2:1 харьцаагаар, мөн түрүүлнэ гэж үзэж байсан Төмөрт-Өргөө баг Цэцэн гэрс багт 2:1 харьцаагаар хожигдов.

Залуучуудын шигшээгээс бүрдсэн дэд мастер Эрдэнэбаяр, Мөнхзориг, Ундрам, Болор, нэгдүгээр зэргийн тамирчин Нацагдорж нарт багш, теннисний хорхойтон, мэргэжилтнүүд итгэл найдвар тавьж байсан ч олон улсын хэмжээний мастер Ө.Баярмагнай, Я.Бэгз нарын ахмад туршлагатай тамирчдаар ахлуулсан, дэд мастер Мөнгөнцэцэг, Урантогос, спортын мастер Баяраа нараас бүрдсэн Цэцэн-Гэрс багийг 1 хожиж, 2 хожигдсоноор аваргын төлөө тоглох эрхээ алдлаа.

Төмөрт-Өргөөний залуус Мон-Лаа багт 2:1 харьцаагаар хожигдсон, спортын мастер Б.Билэгт, ОХУ-ын мастер Баяр Данзанов, спортын мастер эгч дүү Баярмаа, Дэлгэрмаа, залуу тамирчин Баттөмөр нартай Дээд Лигийн 3-р байрын төлөө хүч үзэх болов.

Олон улсын хэмжээний мастер Э.Лхагвасүрэн, улсын аварга Энхсайхан, дэд мастер Должинзуу, Индра, Билэгжаргал нар Дээд Лигийн турш жигд тоглолт үзүүлж, шийдвэрлэх тоглолтод Бласт багийг 5:3 харьцаагаар буулгаж авснаар анх удаа Дээд Лигийн аваргын төлөө тоглохоор шалгарлаа. Одоо тэдний дараачийн учраа бол маш туршлагатай Баярмагнай, Бэгз нараас бүрдсэн Цэцэн Гэрс баг юм. Финалын эхний тоглолт ирэх 3-р сарын 3-ны өдөр болох тов гарчээ.

 

 

Э.ОТГОНЖАРГАЛ

АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна

ИРЭХ СОНГУУЛЬД ТА АЛЬ НАМД САНАЛАА ӨГӨХ ВЭ?

МАН

АН

ХҮН

БУСАД

Санал өгөх