ОУВС сан бол Монгол улсын эдийн засгийг алсан гэж эдийн засагч Болорболд хэллээ. Нийгэмд чиглэсэн бүх зүйлийг хум гэсэн зааварчилгаа нь Монголын эдийн засгийг улам дордуулах алхам гэж тэр нэмж онцоллоо. Түүнтэй агаар нэг байгаа болохоо эдийн засагч Т.Баярхүү илэрхийлэв. Тэд манай төгрөгийн ханшыг байнга унагадаг. Бид ажиллаж үзсэн. Тэдэнтэй ажиллаад өрөнд ороогүй нэг ч улс байхгүй. Тэгэхээр Монголд хэрэгжиж эхлэхээр цалин, тэтгэвэр, тэтгэмж үнэгүйдэх болно. Монгол ядуурахын дээдээр ядуурна гэж Баярхүү хэллээ.
Харин эдийн засагч Батсуурь, Ангараг нар арай өөр байр суурь баримталж байна. Батсуурь хэлэхдээ, ОУВС-ийн энэ удаагийн хөтөлбөр харьцангуй боломжийн. Нөхцөлөө зөөлрүүлсэн харагдаж байна гэж тэр үзэв. Харин Д.Ангараг, - Маш зүйтэй алхам. Монгол улсад дутагдаад байсан төсвийн сахилга бат, санхүүгийн хаиуцлагын тогтолцоог нэвтрүүлэх боллоо. Монголын Засгийн газар хүлээсэн үүргээ биелүүлээд явбал 3 жилийн дараа маш эерэг үр дүн гарна. Угаасаа сүйрсэн эдийн засгийг хатуухан шаардлагаар сэргээх нь ойлгомжтой гэсэн байр суурийг баримталлаа.
Э.ҮҮЛЭНЦЭЦЭГ