Монголд ах дүүгээ, танил талаа барьж иддэг сүлжээний бизнес цэцэглээд удлаа. Хялбар аргаар мөнгөтэй болох гэсэн хүмүүсийн сэтгэхүйгээр гаднынхан тоглосоор.
Хамгийн сүүлчийн жишээ гэхэд л G-time болж байх шиг байна. Эдийн засаг хямралтай үед ийм пирамид сүлжээний мөнгө өсгөх луйврын бизнес цэцэглэдэг тухай мэргэжилтнүүд анхааруулж байна.
Ийм бизнес хэзээ ч Скандинавын орнууд, АНУ, Герман , манай хоёр хөрш болох Орос, Хятадын хилийн дээсийг алхаж чаддаггүй гэнэ. Тэдгээр оронд хууль дүрэм , хяналт үйлчилж байдаг байна. Харин манай оронд иргэдээ хамгаалах ямар ч хууль тогтоомж одоо хүртэл бий болоогүй аж. Тиймээс гаднынхан Монголчуудыг монголчуудаар нь шулуулчихаад, хамаг хөрөнгийг нь аваад зугтдаг муу жишиг Монголд тогтсон байна.
Тиймээс пирамид сүлжээний бизнесээс иргэдээ хамгаалах худалдааны хууль зэргийг гаргах цаг болжээ.
Ц.ХИШГЭЭ
