Улаанбаатар хотын хэмжээнд 3-р сарын 13-14-ны өдрийн хооронд иргэд, байгууллагаас нийт 1743 мэдээлэл шалгагдсанаас, гэмт хэргийн 76, зөрчлийн 1101, согтуугийн 237, зам тээврийн ослын 329, мэдээллээс гэмт хэргийн шинжтэй 44-н үйлдэл бүртгэгдсэнийг холбогдох нэгжүүд шалгаж байна.
|
№ |
Огноо |
Нийт гэмт хэрэг |
Илэрсэн гэмт хэрэг |
Хулгай гэмт хэрэг |
Танхай гэмт хэрэг |
ТХХАБАЖ зөрчих |
|
1. |
2017.03.13 |
44 |
24 |
21 |
0 |
8 |
Дундговь аймгийн Дэлгэрцогт сумын төвөөс урагш 3км-т “Toyota ist” автомашин онхолдож, зорчигч, тус аймгийн Сайнцагаан сумын харьяат Ц /эм.57н/ аймгийн Нэгдсэн эмнэлэгт хүргэгдээд нас барсан харамсалтай хэрэг гарчээ. Тус машинд сууж явсан Сайнцагаан сумын харьят А /эр.63н/, автомашины жолооч, мөн Т /эм.40н/ нар гэмтэн эмнэлэгт хүргэгдээд байна.
Хулгайн хэргийн тухайд :
СБД-7-р хороонд “10-р байрны 1-р давхарын цонхоор 2 хүн орлоо“ гэсэн мэдээллийг цагдаагийн алба хаагчид шалгахад : Тус байранд байрлах СБД-10 хороонд суух Б /эр.53н/-ын өдөр өнжүүлэх төвийн вакум цонхны салхивчийг БЗД-24 хороонд суух О /эр.18н/ нь бусадтай бүлэглэн түлхэж, хулгай хийхийг завдсаныг хяналтын камераар илрүүлэн СБДЦХ-1 шалгаж байна
СБД-11-р хороонд “Дүүргийн нэгдсэн эмнэлэгийн .. тоот өрөөнөөс эд зүйл алдагдсан байна” гэсэн мэдээллийг шалгахад : Төв аймаг Эрдэнэ сумын харьяат "О"-гийн өрөөний гудсан дор байсан 70,000 төгрөгийг СБД-12 хороонд суух Б хулгайлсныг илрүүлэн СБДЦХ-2 шалгаж байна.
Улаанбаатар хотын цагдаагийн газар
