Өнөөдөр “Олон улсын хэрэглэгчийн эрхийг хамгаалах өдөр” тохиож байна. Энэ өдөр дэлхийн бүх орны хэрэглэгчийн төлөө үйл ажиллагаа явуулдаг байгууллагууд хэрэглэгчийн эрхийн төлөө дуу хоолойгоо нэгтгэдэг билээ.
Энэхүү өдрийн хүрээнд Хэрэглэгчийн эрхийг хамгаалах Олон Улсын өдрийг тохиолдуулан “ХЭРЭГЛЭГЧИЙН ЭРХИЙГ ДЭЭДЛЭЕ” өдөрлөг Сүхбаатар дүүргийн ЗДТГ-т болно.
Олон улсын хэрэглэгчийн эрхийг хамгаалах өдрийг НҮБ-ын байгууллагийн шийдвэрээр 1983 оны 3 сарын 15-нд тэмдэглэж байхаар болсон байна.
Анх 1962 оны 3 сарын 15-нд АНУ-ын ерөнхийлөгч Жон Кеннеди Конгрессийн гишүүдэд хэрэглэгчийн эрхийн тухай дөрвөн заалт бүхий илгээлт явуулжээ.
Энэ нь хэрэглэгч аюулгүй байдалд байх, мэдээлэл авах эрхтэй байх, сонголт хийх эрх, санал хүсэлтээ илэрхийлэх эрхтэй байх ёстой гэсэн дөрвөн заалт юм.
1973 онд Европын холбоо 25 дахь удаагийн зөвлөх Ассамблейн хурлаараа хэрэглэгчдийн эрхийг хамгаалах журам баталжээ.
1985 оны 4 сарын 9-нд НҮБ-ын Ерөнхий Ассамблей хэрэглэгчдийн эрхийг хамгаалахад баримтлах удирдамж, зарчмыг баталсан түүхтэй юм байна.
Энэ өдрийг манай улс арав гаруй жил тэмдэглэж байгаа юм байна.
А.ЦЭРЭНДУЛАМ
