“Монгол цэргийн өдөр”-ийг тохиолдуулан Монгол улсын Ерөнхийлөгчийн зарлигаар Замын цагдаагийн албанд олон жил үр бүтээлтэй, өндөр амжилт гарган ажилласан алба хаагчдыг өнөөдөр төрийн одон, медалиар шагналаа.
“ЦЭРГИЙН ГАВЬЯАНЫ УЛААН ТУГИЙН ОДОН”-оор Замын цагдаагийн албаны ахмад ажилтан цагдаагийн бэлтгэл дэд хурандаа Ч.Өлзийбаяр, ахмад ажилтан, цагдаагийн бэлтгэл хошууч Ц.Мөнхбат, Тусгай хамгаалалтын тасгийн зохицуулагч, цагдаагийн ахлах ахлагч Г.Мөнх-Очир нар
“АЛТАНГАДАС ОДОН”-оор Замын цагдаагийн албаны ахмад ажилтан, цагдаагийн бэлтгэл хошууч Ж.Баттулга
“ЦЭРГИЙН ХҮНДЭТ МЕДАЛЬ”-аар Замын хөдөлгөөн зохицуулах хэлтсийн ахлах зохицуулагч, цагдаагийн хошууч З.Ганхуяг, Хан-Уул дүүрэг дэх Замын цагдаагийн хэлтсийн хэрэг бүртгэгч, цагдаагийн ахмад Д.Дэлгэрмаа, Сүхбаатар дүүрэг дэх Замын цагдаагийн хэлтсийн зохицуулагч, цагдаагийн ахлах ахлагч М.Баттогтох нар тус тус энгэрээ мялаалгалаа.
Төрийн дээд одон, медалиар шагнагдсан нийт алба хаагчиддаа Замын цагдаагийн албаны даргын зөвлөлийн гишүүд, хамт олныхоо өмнөөс баяр хүргэж, ажил хөдөлмөрийн өндөр амжилтыг хүсэн ерөөж байна