“Эрдэнэс-Таван толгой” ХК-ийн Цанхийн баруун уурхайн уулын ажлыг 2017 оны 3 дугаар сарын 22-ны өдөр албан ёсоор эхлүүллээ. Цанхийн баруун уурхайд уулын ажлын үйлчилгээ гүйцэтгэх гэрээт олборлогчийн тендерт “Монгол уурхайчид” түншлэлийнхэн буюу “Хишиг Арвин Индустриал” ХХК, “Олборлолт” ХХК, “Мера” ХХК-ийн нэгдлийнхэн ялж, гэрээт олборлогчоор ажиллахаар болсон юм.
Уулын ажлыг эхлүүлэх нээлтэд “Эрдэнэс-Таван толгой” ХК-ийн Үйлдвэрлэл эрхэлсэн Тэргүүн дэд захирал Б.Ганхуяг, “Хишиг Арвин Индустриал” ХХК-ийн гүйцэтгэх захирал Х.Батхишиг болон уурхайчдын төлөөлөл оролцлоо.
Цанхийн ордын баруун хэсэг 1,2 тэрбум тонн нүүрсний нөөцтэй бөгөөд нүүрсний экспорт 2013 оны 9 дүгээр сарын 5-ны өдөр эхэлж, 2017 оны 3 дугаар сарын 10-ны байдлаар Цанхийн Баруун уурхайгаас нийт 9,9 сая тонн нүүрс экспортлоод байна. 2017 онд тус уурхайгаас 6 сая тн нүүрс олборлохоор төлөвлөөд байна.
Эх сурвалж : ERDENESTT.MN
