.JPG)
Хаврын хуурайшилт эхэлсэнтэй холбоотойгоор хээрийн түймэр их гарч байна. Өнөөдрийн байдлаар гэхэд Дорнод, Сэлэнгэ аймагт ой хээрийн түймэр гарчээ. Тухайлбал :
Дорнод аймгийн “Халх гол” сумаас баруун хойшоо 40км-т орших “Хөх өндөрийн овоо" гэдэг газарт хээрийн түймэр гарч, ХЦ-ийн 0198-р ангиас 24 алба хаагч, 3 автомашин, 27гал унтраах хэрэгсэлтэй, Халх гол сумаас 23 иргэн,1 автомашин, 25 гал унтраах хэрэгсэлтэйгээр ажиллаж байна”.
Мөн Сэлэнгэ аймгийн “Баянгол” сумын Хараа 1-р баг “Их өл”,мөн сумын Гонир 3-р баг “Ар зүрх” гэдэг газруудад ой хээрийн түймэр гарч” гал унтраах 40-р анги болон байгаль орчны алба хаагчид унтраахаар ажиллаж байгаа аж.
Ойрын хоногуудад салхи шуурга ихсэх тул гал түймрийн аюулаас сэрэмжтэй байхыг ОБЕГ-аас анхааруулж байна. Таны хийсэн нэг болчимгүй үйлдэл улс, орон ард иргэдэд их хэмжээний хохирол учруулж болзошгүй.
Ц.ХИШГЭЭ
