Өмнөх даваандаа Францын Парис Сан Жермэн багийг 6:1 бут ниргэж гайхамшиг гэдгийг үзүүлж чадсан Барса энэ удаа яах бол гэж хорхойтнууд асууж байна. Тэд Парис Сан Жермэнд 4:0 -ээр нутагт нь ялагдсантай дүйцэх хэмжээний ялагдлыг Италид амслаа.
Барса-г Ювентус баг 3:0 харьцаагаар буулгаж авав. 2 гоолыг аргентин довтлогч Дубалу эхний хагаст хийсэн нь тоглолтын уур амьсгалыг шийдэхэд нөлөөлсөн гэж үзэж болно. Хариу тоглолт Барса-гийн талбайд болно. Гэхдээ Ювентус бол Парис Сан Жермэнээс ялгаатай. Хамгаалалт нягт, хаалгач сайн, сөрөг довтолгоо хурдан бөгөөд хурц. Энэ бүхэн Барса-д зовлон учруулна. Хөлбөмбөгийн бурхан тэнгэр гэж байдаг гэж тайлбарлагч Балжаа ах хэлдэг. Тэр бурхан тэнгэр нэг л багт дандаа туслаад байдаг эсэхийг Барсагийн талбайд болох хариу тоглолтоос харах үлдлээ.