Дорнод аймгийн хэмжээнд энэ оны 2-р сарын 1-нээс эхлэн жолооны үнэмлэхний хэвлэлт зогсоод байгаа. Ирэх 7-р сарын нэгнийг хүртэл хэвлэгдэхгүй гэсэн мэдээллийг цагдаагийн газраас өгч байна. Тийм учраас хуучин шар үнэмлэхээр зорчихыг зөвшөөрөөд байгаа юм байна.
Жил бүрийн өдийд жолооны үнэмлэх хэвлэх компанийн сонгон шалгаруулалт явагддаг. Үүнээс үүдэж жолооны үнэмлэх хэвлэлт зогсдог. Энэ жилийн тухайд 7-р сарын нэгнийг хүртэл хэвлэхгүй гэсэн мэдээллийг холбогдох албаныхан өгч байна. Жолооны үнэмдлэх хэвлэгдэхгүй байгаатай холбогдуулан хуучин шар үнэмлэхийг солих ажил ч зогсож, улмаар шар үнэмлэхээр хөдөлгөөнд оролцуулж байгааг тодотголоо.
Харин эрхээ хасуулсан жолооч нарын тухайд эрх хассан хугцаа нь дуусгавар болсон тохиолдолд жолооны шалгалтаа өгч үнэмлэх авах материалаа бүрдүүлэх боломжтой байна. Энэ тохиолдолд 3 сарын хугацааатай түр үнэмлэх авах боломжтой бөгөөд ингэхдээ зөвхөн Улаанбаатар хот дахь лицензийн төвөөс өөрийн биеэр очиж авах юм байна.
А.ИЧИНХОРЛОО
