Өнгөрсөн амралтын өдрүүдэд ширээний теннисний 2 том тэмцээн өндөрлөлөө. ОУШТХ-ноос зохиодог Зүүн Өмнөд Азийн Бүсийн 16-18 насны багийн тэмцээнд манай өсвөрийн тамирчид амжилттай оролцов. Ундрам, Мөнхчимэг, Мөнхнаран нар Хонгконгийн багт хожигдож, Макаог хожсоноор хэсгээсээ 2-оор шалгарч Азийн АШТ-нд оролцох эрхээ өвөртөлсөн. Эрдэнэбаяр, Лхагва-Эрдэнэ, Тэмүүлэн нарын хувьд Хонгконг ялагдаж, Макаог хожиж яваад төгсгөл хийж чадалгүй хожлоо алдсан. Хэдийгээр шалгарч чадаагүй ч, манай өсвөрийн тамирчид үе тэнгийнхэнтэйгээ нэг эгнээнд ирсэн гэдгээ харууллаа гэж ахмад мастер Цэдэнбалжир үнэллээ.