Ард нийтийн хөл дүүжилж, амь амьжиргаагаа залгуулж, ар гэрээ авч явдаг цорын ганц унаа бол Приус автомашин. Өнөөдөр хотын гудамжаар хөлхөж буй 10 машины 7-8 приус л байдаг. Шатахуун бага зарцуулдаг, хос тэжээлтэй учраас татвараас чөлөөлөгддөг учир худалдан авахад хямд, унаж хэрэглэхэд өртөг багатай байдаг. Тэгвэл Приус машинд 50 хувийн татвар нэмэгдүүлсэн. Түүнийгээ ирэх сараас тооцох хууль ёсны эрхээ нээсэн. Приус машины ч үнэ өсөж, борчуудад эдийн засгийн дарамт үүссэн нь энэхүү батлагдсан хуультай холбоотой.
Тэгвэл эдийн засгийн дарамтыг багасгах зорилгоор татвар авах хугацааг хойшлуулж өгөх хүсэлтээ АН-ын бүлгийн дарга Д.Эрдэнэбат эрх баригчдад өргөн барилаа. Өмнө нь эрх баригчдыг өршөөсөн татварын өршөөлийн хуулийн хэрэгжих хугацааг мөн хойшлуулж байсан. Тэгвэл борчуудад зориулсан хуулийг хойшлуулах саналыг эрх баригчид хэрхэх вэ? гэдэг нь иргэдийн анхаарлын төвд байна.
Ц.ХИШГЭЭ