Найз Чинбат маань их баярлажээ. Карказ компанийн захирал Чинбатын охин Номин нь улсын аварга. Мөн хүргэн Төрболд нь ч улсын аварга. Гэр бүлээрээ теннисэнд дур сонирхолтой. Тэрбээр үе үе хүүхдүүдээ зорих. Саяхан түүнтэй "ОЧ" клубт таарлаа. Түүний тоглолт их сайжирсан. Гэтэл АНУ явж ирснээсээ хойш ширээний теннис тоглохдоо ганц ч хүнийг хожоогүй байжээ. Харин Чинбаа маань саяхны амралтын өдрүүдэд "хуйцаа" тоглохдоо шаггүй тоглогч Ариунаа бүсгүйг хожиж дараалсан хожигдлоо зогсоосон байна. - Чинбаа ах маш их баярласан. АНУ-аас ирснээс хойш ганц ч хүн хожиж чадахгүй байсан гэнэ хэмээн Ариунаа бүсгүй инээмсэглэв. Хүнийг баярлуулах ийм амархан аж. Зүгээр хожигдоод өгчих гэж "гааль" Лхагва ах хажуугаас нь хэллээ. Нээрээ, хүнийг баярлуулахын тулд заавал бурхан байх албагүй ажээ.
С.ГАЛБАДРАХ
