Сайн тамирчныг урвуулах ажил бол дэлхий нийтэд дэлгэрсэн. Хөлбөмбөг, сагс, волейбол зэрэгт харж болно. Багийн спортын төрөлд. Хятадууд өөрийн хөлбөмбөгөө сайжруулахын тулд Дрогбагаас өгсүүлээд дэлхийн томчуудыг бүгдийг нь эх орондоо аваачсан. Хамгийн сайн дасгалжуулагч нар ч Хятадад ажиллах болсон. Хятадууд өөрсдөө ч ширээний теннисээр гадагшаа тамирчнаа, багшаа ихээр гаргаж байна. Монголын шилдэг дасгалжуулагч Батбаяр асан (бокс), жудо Ч.Насантогтох нарын олон багш урд хөршид урилгаар ажилласан.
Тэгвэл 2016 оны олимпийн өмнө Монголын жудочин Отгонцэцэгийг Казахстан улсад "түрээсэлсэн". Отгонцэцэг ч олимпоос хүрэл медаль авч итгэлийг нь хугалаагүй. Тэгвэл Казахстантай ойролцоо орших Азейрбайджан улс Монголын Базаррагчаа, Буянхишиг, Ичинхорлоо нарын эмэгтэй жудочдыг мөн "түрээсэлж" авсан байна. Тамирчид аль хэдийнээ бэлтгэл сургуулилтдаа гарсан байна. Токио-2020 олимпын дэвжээнд Монголын жудочид өөр хоорондоо өрсөлдөх суурь нэгэнт тавигдсан байна.
Э.СҮРЭН
