Сонгуулийн Ерөнхий хороо Ерөнхийлөгчийн сонгуульд нэр дэвшигчдийн материалыг энэ сарын 14-ний дотор хянаж дуусгахаар ажиллаж байна. Сонгуулийн тухай хуулинд, "Сонгуулийн төв байгууллага нэр дэвшигчийн талаарх баримт бичгийг хүлээн авснаас хойш 3 хоногийн дотор бүртгэх эсэх асуудлыг шийдвэрлэх тогтоол гаргана" хэмээн заасан.
МАН-аас нэр дэвшигч УИХ-ын дарга М.Энхболд, АН-аас нэр дэвшигч УИХ-ын гишүүн асан Х.Баттулга, МАХН-аас нэр дэвшигч тус намын дарга Н.Энхбаяр нар Сонгуулийн төв байгууллагад өөрсдийн материалаа хүлээлгэн өгөөд буй. СЕХ энэ сарын 14-ний дотор эдгээр нэр дэвшигчдийг бүртгэх эсэхээ албан ёсоор зарлана.
Ц.ХИШГЭЭ
