Нийслэлийн Авто замын сангийн 2.8 тэрбум төгрөгийн хөрөнгө оруулалтаар Налайх дүүргийн гол замууд болох Даваажав, Дамдин, Найрамдлын гудамжны 1,3 км авто замын өргөтгөл шинэчлэлтийн ажлыг хийхээр боллоо.
Тус замын гүйцэтгэгчээр “Эко тогтол” ХХК шалгарсан бөгөөд 2017 оны 10 дугаар сарын 1-ний өдөр хүлээлгэн өгөхөөр гэрээ байгуулжээ. Эдгээр замууд нь 1970-аад онд ашиглалтад орсноосоо хойш өнөөг хүртэл шинэчлэлт хийгээгүй учраас зам бүхэлдээ эвдрэлд орсон байна. Тийм учраас замын хөдөлгөөний аюулгүй байдал, зорчигч, явган зорчигч болон хөгжлийн бэрхшээлтэй иргэдийн тав тухтай зорчих, зогсоолын хүртээмжийг сайжруулах зорилгоор өргөтгөл шинэчлэлийн ажлыг эхлүүлж байгаа юм.
Эдгээр замуудын өргөтгөл шинэчлэлийн хамт гадаргууны ус зайлуулах байгууламж, явган зам, гэрэлтүүлэгийг цогцоор нь шийдэх юм гэж Нийслэлийн Авто замын газраас мэдээллээ.