“Дэзэрэт” Олон Улсын Энэрлийн Байгууллагаас тэргэнцэр төслийнхөө хүрээнд хөгжлийн бэрхшээлтэй иргэддээ зориулан 619 тэргэнцэр, 50 таяг, алхаа дэмжигчийг Сэргээн Засалт, Сургалт, Үйлдвэрлэлийн Төвд хандивласан байна.
Мөн “Тэргэнцэрийн зөв хэрэглээ” тохируулга сургалт явуулахаар АНУ-ын Солт Лэйк хотоос мэргэшсэн сургагчдыг урьж авчран, амжилттай зохион байгууллаа. Тэргэнцэр шаардлагатай иргэд Сэргээн Засалт, Сургалт, Үйлдвэрлэлийн Төвд хандаж захиалга өгснөөр эдгээр тэргэнцрүүдээс авах боломжтой.
Дашрамд дурьдахад, Дэзэрэт Олон Улсын Энэрлийн Байгууллага нь Монгол улсад 1994 оноос хойш тасралтгүй үйл ажиллагаа явуулж байгаа бөгөөд тэргэнцэр хандивлах, ундны цэвэр усны худаг гаргах, англи хэлний ярианы дадлага олгох сургалт, дутуу нярайн сэхээн амьдруулах сургалт, хараа зүйн сургалт, шүд амны хөндийн эрүүл ахуйн сургалт, үзлэг зэрэг томоохон төслүүдийг хэрэгжүүлсээр ирсэн нийгэмд үйлчилдэг, ашгийн бус хүмүүнлэгийн байгууллага юм.
Эх сурвалж : MMINFO.MN
