Монгол улсад хөгжлийн бэрхшээлтэй иргэдийн тоо жил тутамд 4-5 хувиар өсч байна. Нийт хүн амын 4 хувийг хөгжлийн бэрхшээлтэй иргэд эзэлж байна. Тийм учраас хөгжлийн бэрхшээлтэй хүүхдийн эрт үеийн илрүүлэлт оролцоо төслийг хэрэгжүүлж эхэллээ. Хөгжлийн бэрхшээлийг эрт үед нь илрүүлснээр хөгжлийн бэрхшээлтэй иргэдийн тоог 30 хувиар буурлна гэж үзэж байна.
Дэлхийн эрүүл мэндийн байгууллагаас Монгол улсад хөгжлийн бэрхшээлтэй иргэний эрт үеийн илрүүлэг дутагдалтай байна гэж үзжээ. Тиймээс хөгжлийн бэрхшээлийг эрт үед нь илрүүлэх зорилгоор сэргээн засах сургалт үйлдвэрлэлийн төв, Солонгосын кодди төсөлтэй хамтран Хөгжлийн бэрхшээлтэй хүүхдийн эрт үеийн ирүүлэлт оролцоо төслийг хэрэгжүүлж эхэллээ. Хөгжлийн бэрхшээлтэй болсон 5 хүртэлх насны хүүхэд сэргээн засалт авах чадвар нь өндөр байдаг учраас эрт үеийн илрүүлгийг сайжруулснаар хөгжлийн бэрхшээлтэй хүүхдийн тоог бууруулах, эрт үед нь эмчлэх боломж бий гэдгийг хэллээ.
Хөгжлийн бэрхшээлтэй иргэдийн 35 хувь нь төрөлхийн, 66 хувь нь олдмол байна. Хөгжлийн бэрхшээлийн эрт үеийн илрүүлгийн талаар иргэд олон нийт эмнэлгийн ажилчид ч мэдээлэл ойлголт муутай байдаг байна. Тиймээс дээрх төслийн хүрээнд эхний ээлжид хөгжлийн бэрхшээлтэй иргэдийн эрт үеийн илрүүлгийн талаар мэдлэг мэдээлэлтэй болгох ажлыг зохион байгуулах юм байна.
А.ИЧИНХОРЛОО