Жил бүр уламжлал болгон зохион байгуулдаг “Автомашингүй өдөр” өнөөдөр тохиож байна. Өнөөдөр цаг агаар сайхан байна. Энэ өдөр “Улаанбаатар марафон” олон улсын гүйлтийн тэмцээн болдог. Энэ тэмцээнд оролцохоор 30 мянган иргэн бүртгүүлээд байгаа. Тэмцээнд оролцогчид 5, 10, 21, 42 км-ын зайд гүйнэ.
Автомашингүй өдрийг тохиолдуулан талбайд Нийслэлийн Нийтийн биеийн тамир, спортын хорооны нээлттэй хаалганы өдөр болно. Мөн "Хүүхэд бүрийг зам тээврийн ослоос урьдчилан сэргийлье" шохойн зургийн уралдааныг 12.00-14.00 цагийн хооронд Спортын төв ордны урд талын автозам дээр зохион байгуулна. Иймээс хотын иргэд гэр бүлээрээ төв талбайдаа очиж гэр бүлийн гүйлтын тэмцээнд оролцоорой.
А.ЦЭРЭНДУЛАМ
