Техникийн зориулалтаар модноос нэрж гаргадаг метилийн спирт нь маш хортой бөгөөд өчүүхэн бага хэмжээгээр хэрэглэхэд сохрох, үхэлд хүргэх аюултай. Метилийн спирт нь өнгөгүй шингэн, спирт төст үнэртэй учир хүмүүс андуурч уух тохиолдол гардаг тул Нийслэлийн Эрүүл мэндийн газраас дараах сэрэмжлүүлгийг хүргэж байна. Иргэд гар дээрээс хаяг шошго нь тодорхойгүй, лацгүй архи, согтууруулах ундааг худалдан авахгүй байх. Орон гэртээ машины тослох материал, ахуйн цэвэрлэгээний бодис, шингэнийг өөр төрлийн ялангуяа хүнсний саванд хийж хадгалахгүй байх, хүүхэд хүрэхгүй газар байршуулах хэрэгтэй.
Эх сурвалж:НЭМГ