Ахмад настны нийгмийн хамгааллын тухай хуулийг энэ оны эхний өдрөөс хэрэгжүүлж эхэлсэн билээ. Үндэсний их баяр наадмаар олгох насны хишгийг ирэх 6-р сарын 25-наас эхлэн олгохоор болжээ. Хуульд тусгаснаар 121 мянган ахмадад жилд хоёр удаа "Насны хишиг"-ийг олгохоор болсон.
Насны хишгийг 65-69 настай ахмад настанд 50 мянган төгрөг, 70-79 настай ахмад настанд 80 мянган төгрөг, 80-89 настай ахмад настанд 150 мянган төгрөг, 90 ба түүнээс дээш настай ахмад настанд 250 мянган төгрөг олгоно.Ингэснээр энэ онд Насны хишиг олгох зардалд нийт 20.5 тэрбум төгрөг зарцуулахаар Улсын төсөвт тусгажээ.
А.ЦЭРЭНДУЛАМ
