Өнгөрсөн хоёр хоногийн хугацаанд цахим ертөнцөд лайв хийж олныг байлдан дагуулсан залуу Осоржамаа “Сити” их сургуульд дөрвөн жилийн хугацаанд үнэ төлбөргүй суралцах боломжтой боллоо. Түүний хийсэн лайвыг хоёр хоногт л 110 мянга орчим хүн үзсэн бөгөөд news.mn сайтад ярилцлага өгөөд амжсан.
Осоржамаа энэ ярилцлагадаа ирээдүйд жүжигчин болох хүсэл мөрөөдөлтэй талаараа дурдаад ар гэрийн боломжоос шалтгаалж суралцаж чаддаггүй гэж хэлсэн юм. Ийнхүү цахим ертөнцийг шуугиулж буй Осоржамаагийн мөрөөдөл биеллээ олж “Сити” сургуулийн жүжигчний ангид суралцах эрхээр шагнууллаа. Түүний шагналыг Ардын жүжигчин Цэгмидийн хүү Төмөрхуяг гардуулсан байна.
О.ДАШНЯМ
