Олон жил дамнасан Үндэсний Бөхийн Холбооны Их эв эе хуралдаж Гацуурт ХХК-ийн ерөнхийлөгч, хөдөлмөрийн баатар Чинбатыг МҮБХ-ны тэргүүнээр сонголоо. Их Эв Эеэр МҮБХ-ны тэргүүнд дархан аварга Х.Баянмөнх, УИХ-ын гишүүн А.Сүхбат, ерөнхий сайдын зөвлөх асан, Хэнтий аймгийн бөхийн холбооны тэргүүн Хүдэрбаатар нар нэр дэвшсэн байна. Дархан аварга Х.Баянмөнх, УИХ-ын гишүүн А.Сүхбат, зөвлөх Хүдэрбаатар нар нэрээ татсанаар Л.Чинбат МҮБХ-ны тэргүүнээр сонгогдсон байна.
Чинбатыг амжилттай бизнесмэн гэж олон түмэн мэдэхээс гадна Монголын Чөлөөт Бөхийн Холбооны ерөнхийлөгчөөр ажиллах хугацаандаа Монголын тамирчдын амжилтыг дэлхий дахинд дахин дуурсгасан гавьяатан гэж үздэг. Энэ удаа ч гэсэн Монголын Үндэсний Бөхийн хөгжилд үнэтэй хувь нэмэр оруулна гэж итгэж байгаагаа бөхчүүд хурлын үеэр онцоллоо. Нямдорж МҮБХ-г тасралтгүй 20 жил тэргүүлэхдээ өөрийн гэсэн ордон, бөхчүүдийг байнгын дасгал сургуулилттай болгосон гавьяаг нь зарим бөхчүүд мөн дурдав. Халаагаа өгсөн Р.Нямдорж МҮБХ-ны жолоог нутгийн дүү Чинбатад ийнхүү 20 жилийн дараа атгууллаа.
(1).JPG)
