Монгол Улсаас Австрали Улсад суугаа Элчин сайдын яам Австрали Улсад суугаа Монголчуудын Холбоотой хамтран “Зүрхний хилэн” Монголын уран сайхны киноны нээлтийг Австрали Улсын Сидней хотноо 11 дүгээр сарын 22-нд хийжээ.
Англи хадмал орчуулгатай уг киног Сидней хотод 3 өдөрт 2 удаагийн давталттайгаар гаргахад 2,000 орчим хүн үзэж сонирхсон бөгөөд үзэгчдийн 5 орчим хувь нь гадаадын иргэд байв. Нээлтэнд Австрали Улсад суугаа Элчин сайд Б. Чулуунхүү, Монголчуудын холбооны төлөөлөгчид болон тус киноны гол дүрийг бүтээсэн жүжигчин М.Баярбат нар оролцлоо.
Цаашид “Зүрхийн хилэн” киног Австралийн Канберра, Мелбурн, Брисбэн хотуудад тус тус гаргахаар төлөвлөж байна.
Эх сурвалж : Монгол Улсаас Австрали Улсад суугаа Элчин сайдын яам