ч
Монгол улсын үндэсний бөхийн 25 дахь аварга Бүрэнтөгс талбайн хойд талаас түрүү бөхийн байгаа авахаар хүрэлцэн ирлээ. Түүнийг дагаж Увс нуур дэвжээний тэргүүн Цэрэнбат, гүйцэтгэх захирал Цэрэнсамбуу нар дагалдан алхаж ирэв.
Талбайн баруун урд талд Моннис компанийн асрыг зассан байв.
Ёслолын ажиллагааны өмнө хүндэт зочид дурсгалын зураг татууллаа.
-Моннис компани улсын наадмыг ивээн тэтгэгчээр ажиллаж буй. Өнгөрсөн оноос эхлэн түрүү бөхийг Ниссан Патруль машинаар байлж буй. Энэ жилийн наадмын түрүү бөх, улсын 25 дахь аварга Бүрэнтөгсөд өөрийн компанийн нэрийн бүтээгдэхүүн болох Y 62 авто хүлгийг гардуулахдаа баяртай байна. Хүлэг тань хурдан, тохилог. Таны амжилт ч хэнд ч гүйцэгдэхгүй байхыг ерөөе гэж тус компанийн захирал Мөнхбаатар хэлсэн үгэндээ онцоллоо.
-Улсын наадамд түрүүлж, үзэгч олноо баярлуулсандаа сэтгэл өндөр байна. Бөхчүүдийг дэмждэг, урамшуулдаг Моннис компанийн хамт олонд чин сэтгэлээсээ талархлаа илэрхийлье. Монгол бөхийн заяа нь босоо байг. Ингэж Бүрэнтөгс аварга хэлэн будаг нь ханхалсан авто хүлэгтээ заларлаа. Түүний хамт Увс нуур дэвжээний тэргүүн Цэрэнбат унаанд сууж, хамтдаа талбайг орхилоо.
Ц.БАТАА
