МОНГОЛ ЖҮЖИГЧИД БАТ ХААНЫ ТУХАЙ КИНОНД ТОГЛОЖ БАЙНА

2022-12-07  

Улаанбаатар /МОНЦАМЭ/. Их Британи, Австрали, Монгол, Унгар улсын уран бүтээлчид хамтран бүтээж буй Чингис хааны ач хүү Бат хааны тухай өгүүлэх "1242 Gateway to the West" киноны зураг авалт эхэлжээ.  

Унгар улсад зураг авалтаа хийж буй тус киноны зохиолч, найруулагч, продюсерээр Арон Хорват, Жоан Лэйн, Билл Чемберлен, Корнел Сипос, Питер Суос, Б.Баяр, Б.Батболд нар хамтран ажиллаж байна. Эл бүтээлд МУГЖ Д.Сүхбаатар, Г.Золбоот болон жүжигчин Ц.Цэрэнболд, Б.Барслхагва, М.Баярбат, Ж.Алтаншагай, С.Ариунбямба, Р.Баттогтох,  Б.Баттогтох, П.Баттөр, Ч.Болд нар тоглож буй юм. Эдгээр жүжигчин олон улсын хамтарсан түүхэн кино төслийн дүрийн сонгон шалгаруулалтад оролцож тэнцсэн юм.

Нийт 10.5 сая ам.долларын төсвөөр бүтэж буй тус кино 100 орчим минут үргэлжлэх аж. 

Киноны гол үйл явдал 1242 онд өрнөх бөгөөд Чингис хааны ач хүү Бат хаан Монголын эзэнт гүрний баруун хязгаарын жанжингаар сонгогддог. Чадварлаг цэргийн командлагч тэрбээр Хятадаас Перс хүртэлх тулалдаанд ялж, Европыг довтлох үүрэг хүлээсэн боловч 1242 онд Хан Унгарт гүн гүнзгий сүнслэг хүн, цайзтай тулгарч, эцэст нь түүнийг уналтад хүргэсэн тухай өгүүлэх аж.

Киноны зураг авалт 2022 онд эхэлж, 2023 оны аравдугаар сард үзэгчдийн хүртээл болох юм.

Эх сурвалж: Монцамэ

Мэдээ уншаад таалагдсан бол Like дарна уу. Танд баярлалаа
Сайт таалагдаж байвал Like дарна уу. Танд баярлалаа
Сэтгэгдэл
АНХААРУУЛГА : Уншигчдын бичсэн сэтгэгдэлд CONTROL.MN хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 77008912 утсаар хүлээн авна
Төстэй мэдээ
Шинэ мэдээ
Санал асуулга
Н.УЧРАЛ ГИШҮҮНИЙ ӨРГӨН БАРЬСАН ХУУЛИЙГ ТА ДЭМЖИЖ БАЙНА УУ?